Friday, July 30, 2010

Akhlaq-e-Nabvi - Edited

  1. Aala nasab
  2. Aala hasab
  3. Qaum ashraf
  4. Qabeela ashraf
  5. Khandan ashraf
  6. Aapka naam ahrmed rakha gaya jis ka matlab hai sabse zyada qabil-e-tareef
  7. Aap sabse zyada sakhee (generous) thay
  8. Sabse zyada bahadur thay
  9. Sabse zyada duniya se be-raghbat (indifferent) thay
  10. Sabse zyada maharbaan thay
  11. Sabse zyada khubsoorat chehre wale thay
  12. Yaani sirf akhlaaqi aitbaar se hi khubsoorat nhi thay, Allah ne aapko shakl-o-soorat bhi behad haseen di thi
  13. Sabse behtreen akhlaaq ke haamil thay
  14. Bohat naram dil wale thay
  15. Nihayat maharbaan dost thay
  16. Tamaam jahan walo ke liye rahmat bana kar bheje gaye thay
  17. Kasrat se zikr-e-ilaahi karte thay
  18. Aap har waqt allah ko yaad karte aur kasrat se tasbeeh aur istighfaar karte
  19. Ek din mein 70-100 times istighfaar karte
  20. Jab kabhi ghamgeen hote to ya hayyu ya qayyoomu birahmatika astaghees parh allah se fariyad karte
  21. Aap apne waqt per namaz parhte thay
  22. Aap raat ka ek taveel hissa qayaam karte thay means kharre ho kar namaz parhte thay
  23. Namaz mein quran ko thahar thahar kar parhte thay
  24. Aayat-e-rahmat per ruk kar allah se rahmat maangte aur aayat-e-azaab per ruk kar allah se panah maangte
  25. Itni ibaadat karte ke pair sooj jaate aur farmate ke kya main allah ka shukr guzaar banda na banu
  26. Lekin logo ko halki namaz parhaate
  27. Namaz ke dauraan agar bachche ke rone ki awaz aati to namaz ko mukhtasar kar dete
  28. Beemar hote to baith kar namaz parhte lekin namaz chhorrte nhi thay
  29. Safar mein namaz-e-qasr ada karte
  30. Din charhne per nama-e-chasht ada karte
  31. Larrai mein fatah hoti ya koi khushi naseeb hoti to fauran sajda karte
  32. Yaani har aham kaam mein fauran namaz ki taraf daurrte
  33. Ramzan ke maheene mein nek kaamo mein bohat barh jaate thay khusoosan sadqa aur khairaat karne mein tez aandhi se bhi zyada barh jaate
  34. Jibreel (AS) ke saath quran ka daur karte
  35. Jaise hi ramzan ka akhri ashra shuru hota to aap khud bhi jaagte aur apne gharwalo ko bhi jaate
  36. Har saal aitkaaf karte
  37. Ramzan ke alawa shaban mein bhi kasrat se roze rakhte
  38. Baaqi maheeno mein bhi bohat roze rakhte
  39. Kabhi lagatar itne roze rakhte ke lagta tha ke abb kabhi aap roza nhi chhorrenge
  40. Aur jabb nahin rakhte to aisa lagta tha ke abb kabhi nhi rakhenge
  41. Chand ki 13, 14, 15/monday/thursday/10 Muharram aur ashra-e-dilhijah ke roze rakhte
  42. Shawwal ke 6 rozo ka bhi ahtamaam farmaate
  43. Roza aksar khajoor se iftaar karte
  44. Eid per ghusl karte
  45. Behtreen libaas pahante
  46. Eid ke liye paidal aate aur jaate
  47. Khwateen ko bhi eidgaah jaane ka hukm dete
  48. Eid-ul-fitr ke din meethi cheez khaa kar namaz ke liye jaate
  49. Eid-ul-azha ke mauqe per har saal qurbaani karte
  50. Khud bhi sadqa karte aur doosro ko bhi sadqa karne ka hukm dete
  51. Koi cheez kal ke liye bacha kar nhi rakhte thay
  52. Koi sadqa le kar aata to uss ko dua dete
  53. Kisi mangne wale ko inkaar na karte
  54. Agar kuchh dene ke liye paas kuchh na hota to khamoshi ikhtiyaar karte
  55. Kisi ko hadiya keh kar dete to kisi ko kuchh hiba kar dete
  56. Kabhi khareed-o-farokht mein zyada adayegi karte
  57. Qarz lete to zyada lautaate hanlanki maal ka zaaya karna bilkul pasand na tha
  58. Gharwalo ki khidmat karne ko aib mahsoos na karte
  59. Aap apna joota khud see lete thay matlab usay khud hi repair kar lete thay
  60. Paani bharne ke dol ko bhi khud hi repair kar lete thay
  61. Apne kapdo per bhi khud hi paiband laga lete aur see lete thay
  62. Kapdo per lagi hui chhoti moti gandgi jaise baal ya keerre etc khud hi saaf kar lete
  63. Apne haath se bakri ka doodh nikaal lete thay
  64. Oral hygeine ka bohat khyal rakhte thay
  65. Subah so kar uthte to sabse pehle miswak karte
  66. Ghar mein enter karte to pehla kaam miswak karna hota
  67. Sote waqt bhi miswak aapke paas hota
  68. Jo shakhs raat ko wuzu karke sota hai to poori raat farishte uss ke liye rahmat ki duayein karte hain
  69. Aap (saw) har namaz ke liye alag wuzu karte
  70. Wuzu ka aaghaaz bismillah se karte aur kabhi ek hi wuzu se kayi namazein bhi parh lete
  71. Wuzu mein paani ke israaf (wastage) se bachte
  72. Right hand se khaate
  73. Apne saamne ki side se khaate
  74. 3 ungliyon se khaate
  75. Khaane ke baad ungliyaan chaat lete
  76. Khaane khaate hue tek na lagate
  77. Let ke bhi nhi khaate thay
  78. Zameen per baithte aur khaate thay
  79. Koi bhi cheez uss waqt tak na khaate thay jabb tak ke confirm na ho ke kya hai
  80. Kisi khaane mein aib nahi nikaalte
  81. Khaane ke baad alhamdulillah kehte
  82. Makkhan aur khajoor pasand farmaate
  83. Bohat hot drinks nahin peete thay
  84. Peene mein sabse zyada pasandeeda thandi aur meethi cheez hoti jaise sharbat
  85. Paani right hand se 3 saans mein peete
  86. Khaane mein doosro ko shareek karna pasand karte
  87. Hazrat Anas(ra) se farmate ke dekho agar koi mere saath khaane mein shaamil ho jaye
  88. Kabhi bistar per sote to kabhi zameen per
  89. Dahini (right) karwat se sote
  90. Leather ka takiya aur bistar istemaan karte jis mein khajoor ki chhaal bhari hoti
  91. Isha ki namaz se pehle sona pasand nahin farmaate thay
  92. Raat sone se pehle surma lagaate aur dua parh kar sote aur dua parhte hue jaagte
  93. Aapki chaal ba-waqaar aur pur-sukoon thi
  94. Jab chalte to peechhay murr kar nahi dekhte thay
  95. Kabhi joota pahan kar aur kabhi nange pair bhi chalte
  96. Ye baat aap (saw) ko napasand thi ke koi aapke peechhay chale
  97. Jis tarah ka bhi kapda mayassar hota pahan lete
  98. Achchhe se achchha bhi aur paiband laga kapda bhi pahan lete
  99. Dikhaawe ke liye kapda pahanna pasand nahi farmaate thay
  100. Mardo ko resham pahanne se mana karte
  101. Kurta pasandeeda libaas tha
  102. Poori aasteen zeb-e-tan farmaate
  103. Umaama kabhi topi ke saath aur kabbi baghair topi ke istemaal farmaate
  104. Chandi ki angoothi pahante
  105. Zyadatar green color pasand tha
  106. Ghorre oont gadhe aur khachchar etc sab per sawari kar lete
  107. Kabhi apne aage ya peechhhe kisi aur ko bhi saath bitha lete
  108. Aksar sawari per nafil namaz ada karte
  109. Thursday ke din safar karna pasand karte
  110. Safar se wapsi per ghar jaane se pehle masjid mein 2 rakat namaz ada karte
  111. Mulaqat ke mauqe per salam mein pahal karte aur musafa karte
  112. Jab tak doosra shakhs haath na chhorrta aap bhi nhi chhorrte
  113. Salam ka jawab zabaan se dete sirf ishaare se nahin
  114. Mulaqat ke waqt baat ko dhyan se sunte
  115. Jab aap kisi majlis mein tashreef farma hote to jis baat per log taajjub karte uss baat per aap bhi taajjub karte
  116. Majlis mein jab koi hansta to aap bhi muskuraate yaani mood off karke ya bilkul chup kar ke nhi baithe rehte thay
  117. Kabhi koi baahar ka aadmi sakht kalaami karta to tahammul se kaam lete aur sakht jawab nahin dete
  118. Ehsaan ka badla dene wale ke siwa kisi ki tareef pasand na karte
  119. Zaroorat se zyada tarreef bhi napasand thi
  120. Kisi majme mein jaate to jahan jagah milti wahin baith jate
  121. Chheenk aane per awaz ahista ka lete aur alhamdulillah kehte
  122. Koi aur chheenkta to jawab bhi dete yaani ke yarhamukallah kehte
  123. Chehre ko haath ya kapde se dhaanp lete
  124. Jamhaai (yawning) ke waqt bhi aisa hi karte ya rok lete
  125. Majlis ke ikhtitaam () per Allah ka zikr karte
  126. Aap (SAW) kasrat se Allah ka zikr karne waale thay aur aapke kalaam mein laghw aur bekar baatein na thi
  127. Aap (SAW) ka kalaam waazeh (clear/understandable) tha.
  128. Samjhane ke liye thahar thahar kar bolte thay
  129. Baat ko 3 baar dohraate thay
  130. Is tarah bolte ke sunne wala baat poori tarah samajh jaata
  131. Aisi guftgu farmaate ke agar koi alfaaz (words) ko ginna chaahta to gin sakta tha
  132. Aap (SAW) baat utni karte jitni zaroori hoti
  133. Aap (SAW) ko bohat zyada sawaal (questioning) aur qeel-o-qaal (gossips) pasand nahi thay.
  134. Aap (SAW) ki guftgu mein kisi ki na to gheebat hoti aur na hi taane hote.
  135. Aap (SAW) kisi ke aib nahi ginwaate thay
  136. Aap (SAW) kisi ke androoni baaton (internal/personal affairs) ki toh mein na rehte thay
  137. Baat wahi karte jis se koi mufeed (beneficial) nateeja nikal sake
  138. Aap (SAW) zyadatar khamosh rehte aur kam hanste lekin bohat khushmizaaj thay
  139. Khush hote to aap (SAW) ka chehra mubarak chamak uthta tha aur jab naraz hote to chehre per narazgi ka izhaar hote means jo dil mein hota wahi baahar hota
  140. Na khushi mein kehkahe thay aur na rone mein cheekh pukaar thi. Bass ankhon ashqbaar hoti yaani aansu aa jaate
  141. Hazrat Jareer (RA) farmate hain ke aapne kabhi mujhe apne paas aane se nahin roka aur kabhi aisa nahin hua ke maine aapko dekha ho aur aap muskuraaye na ho
  142. Aap (SAW) ka akhlaaq Quran tha yaani ke Aap (SAW) chalta phirta quran thay
  143. Hamesha sach bolte aur jhooth se nafrat karte
  144. Waade ki paabandi karte
  145. Haq ki himayat karte
  146. Bohat bahadur aur nidar thay
  147. Mushkilat aur pareshani mein sabr karne wale thay
  148. Baa-parda kunwati larrki se zyada hayadaat thay
  149. Jo aapko dekhta aapka rob uss per parrta lekin jaise jaise aashna (acquented) hote aapse mohabbat karne lagta
  150. Aap narm mizaaj thay. Sakht mizaaj na thay.
  151. Dunkiya aur uss ki cheezein ghussa na dila sakti thi
  152. Agar koi haq ki mukhaalifat karta tab hi ghussa karte
  153. Zaati (personal) maamlo mein kabhi ghussa na karte aur na hi kabhi intiqaam liya.
  154. Barri se barri sakht baat per aap tahammul se kaam lete
  155. Burai ka badla burai se na dete thay balki maaf farma dete aur darguzar kar dete thay.
  156. Azwaj-e-Mutahharaat (His (SAW) wives) ke saath nihayat achchha bartaaw tha
  157. Unn se achchhe akhlaaq se pesh aate
  158. Hazrat Aisha (RA) ko Aa-ish keh kar pukaarte
  159. Ek jagah khaana khaate
  160. Ek bartan se ghusl kar lete
  161. Unn ki god mein tek lagate aur quran parhte
  162. Hazrat Aisha ke saath daurh (running) ka muqabla kiya to ek baar wo aage nikal gayi aur doosri dafa Aap (SAW) unn se aage nikal gaye
  163. Azwaj-e-Mutahharat ke saath adl-o-insaaf ka maamla karte
  164. Bachcho ke saath intahaai shafqat se pesh aate
  165. Unn ke paas se ghuzarte to khud salaam karte
  166. Fatima (RA) aati to unn ke haath aur maatha chumte phir khaas jagah per bithaate
  167. Hazrat Hassan (RA) bin Ali (Ra) ke liye apni zabaan nikaalte to wo apko dekh kar muskuraate yaani bachcho ke saath bachcho ki tarah maamla karte
  168. Aap namaz parh rahe hote aur Hasan (RA) aur Hussain (RA) khel rahe hote aur aapki peeth (back) per sawaat ho jaate jabb aap sajde mein jaate
  169. Umaama jo aapki nawasi thi kandhe per hoti aur aap (SAW) namaz parha rahe hote
  170. Fajr ki namaz ke baad masjid mein saathiyon ke saath baith jaate
  171. Unn ki baatein sunte. Koi khwaab sunaata to uss ka matlab bayaan karte. Sher (poetry) bhi sunte aur uss per inaam bhi dete
  172. Ghaneemat ya sadqa baantte. Hadiya qubool karte aur badle mein bhi dete.
  173. Khushbu bohat pasand thi. Iss liye khushbu ka tohfa kabhi radd na karte
  174. Achchhe naam pasand karte aur bure naam badal dete
  175. Mehmaan nawazi mein bohat aage rehte
  176. Khud bhi mehman nawaazi farmaate
  177. Kabhi aisa bhi hota ke ghar mein saara khaana mehmaan ki nazar ho jaata aur ghar wale khud faaqa karte
  178. Dawat bhi qubool karte
  179. Agar koi ghulaam bhi Jou ki roti ki dawat karte to qubool farmaate yaani mamooli se mamooli cheez ki bhi dawat qubool farmaate
  180. Logo ki hidaayat ke liye tadapte
  181. Aap farmaate thay
    [Yassiru wa la tuassiru] Aasani kiya karo, mushkil paida na kiya karo
    [Bashshiru wa la tunaffiru] khushkhabri diya karo aur nafrat na dilaaya karo
  182. koi do baaton mein selection karna hota to aasan ko select karte basharte ke gunah na ho
  183. Aap (SAW) ne kabhi kisi pe apna haath nhi uthaaya aur na kisi ki tauheen ki
  184. Logo ko aapse door nhi kiya jaata tha
  185. Aap (SAW) ke liye hato bacho ki awazein nhi aati thi
  186. Aur na logo ko aapse mar mar kar door kiya jaata
  187. Kisi muhim per logo ko rawana karte hue ameer-e-karwan ko dua dete aur naseehat karte
  188. Miskeeno ke kaam aate aur yateemo ki sarparasti karte
  189. Maqroozo ko qarz utaarne mein madad karte
  190. Ghulamo ke saath husn-e-sulook karte aur unhe azad karte aur azar karne ki takeed farmate
  191. Miskeeno aur bebaso ke saath aise baithte ke koi aapko pehchaan nahi sakta tha
  192. Bewaon (widows) aur miskeeno ki zarooratein poori karne ke liye unn ke saath jaate
  193. Ek maamuli laundi (female ghulaam) apne masail ke solution ke liye aapka haath pakad kar aapko jahan chaahti le jaati
  194. Aap ghareeb logo ki baat bhi iss tarah sunte thay jaise kisi bohat important shakhsiyat ki sun rahe ho
  195. Jab koi maangne wala ya zarooratmand aata to sathiyon ko nekiyon mein shareek karte
  196. Logo ke gham mein shareek rehte aur kamzor musalmaano se khud milne jaate
  197. Unn ki iyaadat ke liye jaate, dua farmaate aur unn ka janaza bhi parhte
  198. Jaanwaro per bhi khaas rehmat aur shafqat farmaate
  199. Darakhton (Trees) ko bina wajah kaatne aur khetiyaan kharaab karne se mana farmaate thay

1 comment:

  1. ALLAHOAKBARKABEERA.............mere NABI kiSHAAN hi kuch ayesi hai................MASHAALLAH...........

    ReplyDelete